Wednesday, January 6, 2016

ច្បារអំពៅ


By Tararith

ភូមិច្បារអំពៅ                      ទីធ្លាប់រស់នៅ                 សែនសុខក្សេមក្សាន្ដ
ជាតិចិនចាមជ្វា                   គ្នាមិនប៉ុន្មាន                  រស់រានរាប់អាន
ទុកដូចជាញាតិ។
មិនដូចសព្វថ្ងៃ                    កៃលឿងបានដៃ             កាឡៃពង្វាត
អំណាចដែលមាន               បំពានលើជាតិ                ឫស្សីដុះព្រាត
វាតគ្រប់វេលា។
ច្បារអំពៅអើយ                   ហៅមិនឮឡើយ             បង្កើយក្បែរគ្នា
ទន្លេបាសាក់                       ទូកស្រាក់គង្គា                ដួនគ្រប់អង្គា
ជារដ្ឋក្នុងរដ្ឋ៕

No comments:

Post a Comment