ចាញ់ឈ្នះ

By Tararith

រំពឹងគិតដល់ប្រវត្តិសាស្រ្ត                ឃើញយ៉ាងជាក់ច្បាស់ខ្មែរបែកបាក់

សង្រ្គាមបង្ខាតយ៉ាងប្រក្យត្ស             បែងចែកពួកបក្សតាមគេញឹង។

ប្រវត្តិសង្រ្គាមតកូនចៅ                     សល់ស្នាមដំបៅដល់ថ្ងៃហ្នឹង

ខ្មែរអើយអត់ធន់កុំរឹងត្អឹង                  ក្រែងអស់ព្រលឹងអស់ទឹកដី។

ប្រជាសព្វថ្ងៃរស់យ៉ាងណា               ជួបតែបញ្ហារលកថ្មី

ជិះជាន់ប្រវញ្ច័គ្មានសំចៃ                   គេចូលប្រល័យដល់ឫសគល់។

លួចលក់គេទិញយកទាំងអស់          ប្រមាថស្រស់ៗនៅមិនយល់

បង្កទុក្ខាឲ្យអំពល់                              ចាប់គូបញ្ជល់ជាតិសាស្រ្តឯង។

អ្នកឈ្នះបង្អួតសមត្ថភាព                 ប្រឌិតយកប្រៀបយ៉ាងខែងរែង

សម្ដែងលើឆាកស្រែកក្ដែងៗ            ឲ្យគេកោតក្រែងថាខ្លួនខ្លាំង។

អ្នកចាញ់នាំគ្នារត់ព្រោងព្រាត          ចោលស្រុកព្រាត់ញាតិក្លាយជាខ្មាំង

ព្រោះស្រឡាញ់ជាតិស៊ូតតាំង           រួមសាងកម្លាំងស្នេហាជាតិ៕