Wednesday, February 23, 2011

តោសំរឹទ្ធិ

by Tararith

អាណិតចម្លាក់តោសំរឹទ្ធិ             ដ៏ល្អវិចិត្ររបស់ខ្មែរ
កើតពីយូរយាណាស់មកដែរ       រសាត់ហូរហែទៅដែនម្ខាង។
បានឃើញអង្គតោនៅឈរធ្មឹង     ដៀងភ្នែកសម្លឹងរកអ្នកសាង
ឃើញតែជាតិគេមកសំអាង        រៀបរាប់គ្រប់យ៉ាងប្រាប់ទេសចរ។
គេថាតោនេះផ្សំដោយជាតិ         សំរឹទ្ធិជាធាតុវិសេសល្អ
សាងមកពាន់ឆ្នាំច្រើនតំណរ       ជារូបកម្រដូនតាសៀម។
ការពិតតោកើតនៅអង្គរ             សៀមឈ្លានពានយកហើយគម្រាម
នឹងសម្លាប់ម្ចាស់បង្ហូរឈាម        នឹងធ្វើសង្រ្គាមយកទឹកដី។
ឥឡូវរូបតោសំរឹទ្ធិខ្មែរ                 ទឹកភ្នែកឥតល្ហែរាល់រាត្រី
នឹកសុវណ្ណភូមិខ្មែរប្រុសស្រី        សង្ឃឹមមានថ្ងៃទៅខ្មែរវិញ៕

No comments:

Post a Comment