ធម្មជាតិមានពណ៌បៃតងខ្ចី លូតលាស់លើដីនៃបុព្វតា
ដើមដុះធំខ្ពស់ៗអស្ចារ្យ អ្នកស្រុកហៅថាព្រៃទំរីង។
ដើមឈើតូចធំផ្តុំជ្រុំជ្រៀត ច្រូងច្រាងចង្អៀតជាតិផ្អែមល្វីង
សុក្រំនាងនួនបេងប្រស់ព្រីង ខ្លាដំរីខ្ទីងរស់ជាមួយ។
ទំរីងព្រៃឡង់ចង់ប្រាប់ថា គេកាប់ប្រហារហើយអ្នកកួយ
ថ្ងៃក្រោយអស់ព្រៃអ្នកនឹងព្រួយ នឹងយំរំអួយនឹកសាវតា។
ទំរីងទំហំធំក្រៃលែង ធំធេងដល់ទៅសែនហិកតា
គេកំពុងតែរានកាប់ឆ្កា តាមតែរដ្ឋាសម្បទាន។
ប្រជាខ្មែរកួយអ្នកការពារ ម្ចាស់រដ្ឋបែរជាឲ្យទន្រ្ទាន
ក្រុមហ៊ុនបរទេសដែលគេមាន បំណងឈ្លានពានទឹកដីស្រាប់។
ព្រៃជាសម្បត្តិរបស់ខ្មែរ អ្នកថែត្រូវគេហាមដោយច្បាប់
ចូលព្រៃរកវល្លិ៍គេចងចាប់ គេថែមទាំងប្រាប់ព្រៃមានម្ចាស់។
ព្រៃមានម្ចាស់ថ្មីមកពីឆ្ងាយ មកធ្វើចៅហ្វាយឥតមានខ្មាស
បើអ្នកទំរីងយើងស្គាល់ច្បាស់ តែនេះស្រឡះគឺជាយួន៕
No comments:
Post a Comment