ឮឈ្មោះអ្នកខ្លាំងច្បាំងតែងឈ្នះ សត្រូវវិនាសអន្តរធាន
លោកកម្ចាត់អស់ជនឈ្លានពាន លបលួចទន្រ្ទានយកទឹកដី។
វីរបុរសដ៏អស្ចារ្យ ប្រយុទ្ធ និងស្ដារប្រទេសថ្មី
ទាំងកាយទាំងចិត្តលះលកលៃ ឃ្មាតខ្មីយកជ័យគ្រប់ឈុតឆាក។
ផ្កាយមាសមានតែលោកម្នាក់គត់ ដែលអាចពន្លត់ការលំបាក
អារកាត់សព្វសាច់ក្រតោកយ៉ាក ត្រឹមត្រូវប្រាសចាកលោកចាត់ចែង។
ប្រសិនវីរបុរសស្លាប់ ប្រជាយូរឆាប់នឹងចម្បែង
ឬមួយសង្គមថ្លាចាំងចែង ក្ដីសុខធំធេងជាងសព្វថ្ងៃ៕
No comments:
Post a Comment