by Tararith
១.រស់ក្នុងដីខ្មែរថែជាយដែន ទទួលសំណែនជាតិដ៏ទៃ
ព្រោះតែព្រាត់បាត់កូនប្រុសស្រី ធ្លាប់ថ្វាយចំណីឆ្ងាញ់គួរគាប់។
២.ខ្ញុំជាអ្នកតារក្សាថែ ទឹកដីដែនខ្មែរឲ្យជួបភ័ព្វ
តែកូនចៅខ្លះបោះបង់ទ្រព្យ រត់ចោលដីធ្លាប់ជួបសប្បាយ។
៣.កាលមុនម្ហូបខ្មែរសំដីខ្មែរ ឥឡូវនេះបែប្រែអន្តរាយ
ខ្ញុំជាអ្នកតាសែនខ្វល់ខ្វាយ ឃើញចោរជិតឆ្ងាយថ្វាយសែនឲ្យ។
៤.ខ្មែរអើយអត់ទោសឲ្យខ្ញុំផង សុំហែករបងយកអំណោយ
ព្រោះខ្ញុំចង់រស់ទៅថ្ងៃក្រោយ កុំឲ្យជួបក្រតទៅទៀត៕
No comments:
Post a Comment