By Tararith
សំឡេងអ្នកយំគួរស្រណោះ យំក៏ព្រោះអស់ក្តីសង្ឃឹម
ទឹកភ្នែកជ្រែកភ័ក្រ្តធ្លាប់ញញឹម ទុក្ខឥតអ្វីផ្ទឹមសែនក្រៀមក្រំ។
គេវាយទាំងមនុស្សរុះលំនៅ របងបិទផ្លូវហើយវាយដំ
គេវាយទាំងមនុស្សរុះលំនៅ របងបិទផ្លូវហើយវាយដំ
ដីគេរឹបយកទាំងបង្ខំ រកថ្លែងមិនចំប្រាប់អ្នកផង។
មានដាក់ខ្នោះឃ្នាងឃុំទាំងខ្លួន ប៉ូលីសមាំមួនចាប់ម្ចាស់ចង
អ្នកបឹងកក់ជួបរឿងសៅហ្មង ដៃបួងសួងផ្សងសុំមេត្តា។
តែមិនបានដូចការប៉ងគិត គ្មានក្ដីអាណិតដល់ខេមរា
នាំគ្នាភៀសខ្លួនគួរអនិច្ចា នាំយកបញ្ហាជាប់ជីវិត។
ឥឡូវពំនូកខ្សាច់ជាភ្នំ ដូចដុំគំនុំខ្មៅងងឹត
ងងល់ឲ្យខ្វល់ជុំរុំជិត បំណងទុច្ចរិតឥតពិចារ។
គ្រប់គ្នាចាច់ចុកឈឺរាល់ថ្ងៃ ព្រាត់ទាំងអាល័យទីស្នេហា
ទុក្ខសង្កត់ធ្ងន់លើឧរា ព្រោះតែរដ្ឋាម្ហារលួយ។
No comments:
Post a Comment