អ្នកសុំទាន

By Tararith

គើមៗអង្វរទៅមនុស្សមន្នា              ជាខ្មែរដូចគ្នាសុំលោកជួយ

ជួយផងជីវិតជួបទុក្ខព្រួយ               សុំរស់ជាមួយទានសប្បុរស។

ពិការអស់ភ្នែកនឹងដៃពីរ                 អង្វរវក់វីចិត្តក្រៀមក្រោះ

សុំដើម្បីរស់តែប៉ុណ្ណោះ                  សុំត្រឹមរបស់ចំអែតកាយ។

អាឌិតទាហានកាលពីមុន               លះបង់រែកពុនលុះអន្តរាយ

ច្បាំងដើម្បីជាតិស្លាប់មិនស្ដាយ        ឥឡូវឃ្លាតឆ្ងាយពីសង្គម។

ស្មូមអើយគេឲ្យក្រដាសប្រាក់          ដៃជាប់ច្រវ៉ាក់ឬជាប់ឃុំ

ពិការទាំងពីរទានតូចធំ                  គ្មានដៃចាប់នំនែកទាំងអស់។

មានអំណោយហើយយកមិនបាន    អត់ដៃរំខានម្ចាស់របស់

រំខានចិត្តគេសោកស្រណោះ           ម្ចាស់ទានខ្លះបោះឲ្យរសាត់។

អំណោយរសាត់ទៅតាមខ្យល់         គេឲ្យមិនដល់ខ្យល់ផាយផាត់

សែនស្ដាយទឹកចិត្តគេស្ងាត់ៗ          ទ្រាំរស់កប់បាត់ទុក្ខទារុណ៕