Monday, June 13, 2016

កម្លាំងពលរដ្ឋ

Noreyutt

ដីព្រៃព្រឹក្សាធនធម្មជាតិ           អ្នកធំចោលម្សៀតប្រវ័ញ្ចផល
ឯរាស្រ្ដសាមញ្ញត្រដរខ្យល់       រស់ដោយសំណល់ពុករលួយ។
ដីស្រែដីកេរ្ដិ៍ពីដូនតា                ត្រូវពួកផ្ដាច់ការរឹបគួរព្រួយ
គ្រប់ទីកន្លែងរឿងតែមួយ          នរណានឹងជួយរំដោះទុក្ខ។
មានតែកម្លាំងមហាជន             រែកពុនស្រាលធ្ងន់ឆ្ពោះទៅមុខ
ការពារទ្រព្យធនក្នុងកាលយុគ សម័យដ៏ពុករលួយនេះ។
កម្លាំងពលរដ្ឋវាត់វាយតប        មិនត្រូវរណបមេជាន់ជិះ
តវ៉ាទាមទារហើយរេរិះ             មិនធ្វើពេលនេះបាត់ទឹកដី៕

No comments:

Post a Comment