Thursday, December 28, 2017

វត្តកែវព្រះភ្លើង


By Tararith

ចន្លោះវត្តថាន់ស្វាយពពេ                       ចាំទេមានវត្តកែវព្រះភ្លើង
មិនដឹងពីកាលណារលើង                      ទីវត្តខ្មែរយើងផ្ទះជួសពេញ។
វត្តកែវព្រះភ្លើងបែរជាបាត់                      បាត់ឈ្មោះស្ងាត់ៗពីភ្នំពេញ
វត្តធំម្លឹងហើយវិនាសវិញ                       កំចាយលក់ទិញពុទ្ធសាសនា។
អារាមព្រះសង្ឃព្រះវិហារ                       ចេតិយផ្ដុំគ្នានៅឯណា?
ឃើញផ្ទះតូចធំនិងវិឡា                         សាងសង់ត្រៀបត្រាទាំងបំពាន។
ព្រះពុទ្ធសាសនារបស់ខ្មែរ                      នរណានឹងថែគេទន្រ្ទាន
ប្រទេសក៏គេចូលឈ្លានពាន                  រុករានបំរុងលេបទឹកដី។
វត្តកែវព្រះភ្លើងឧទាហរណ៍                    ទាំងគ្រឹះសសររាបដល់ដី
សង្ឃឹមដល់ខ្មែរជំនាន់ថ្មី                        ប្រណីការពារមាតុភូមិ៕

2 comments:

  1. តើវត្តកែវព្រះភ្លើងនៅត្រង់ចំណុចណានៃទីក្រុងភ្នំពេញបច្ចុប្បន្ន? សូមអរគុណ!

    ReplyDelete
  2. អូ នៅចន្លោះវត្តថាន់ និងស្វាយពពេ! តើក្លាយជាអគារអ្វីហើយបច្ចុប្បន្ន?

    ReplyDelete