Saturday, April 21, 2018

អ្នកនេសាទ


By Tararith

លើផ្ទៃទឹកថ្លាឆ្វង់                      អ្នកបង់ផ្ចង់ចាប់មច្ឆា
ត្រីអើយហែលឆ្លេឆ្លា                 អ្នកប្រហារច្របល់ចិត្ត។
សំណាញ់នៅក្នុងដៃ                 រៀបលកលៃតែអាណិត
មច្ឆាវិញភ័យភិត                      កម្មរួតរឹតតាមផ្តន្ទា។
អ្នកនាសាទកម្សត់                   ខំសង្កត់ប្រាណជរា
នេត្រាធ្លុះគង្គា                         ចិត្តរេរាគិតជាថ្មី។
គិតអាណិតដល់សត្វ                ហែលច្រវ៉ាត់រកសេរី
នឹកដល់ខ្លួនឯងនៃ                    កាលមុនភ័យគេចងពារ។
មានអ្នកប៉ងបៀតបៀន              លុកទន្រ្ទានដល់ជន្មា
ប្រមាថតាមចិត្តវា                     ្យរងាសែនរន្ធត់។
ត្រីអើយហែលទៅៗ                 មានហើយផ្លូវត្រូវតែរត់
អ្នកនេសាទពន្លត់                     កំហឹងលត់ដោយមិនតប។
សំណាញ់មិនរលាស់               ត្រីមិនទាស់ហែលស្រស្រប
តាមទឹកមាត់ម្ហបៗ                    ដោយរណបសន្ដិភាព៕

        

No comments:

Post a Comment