Tuesday, April 9, 2019

អស់ដី

by Noreyutt


១.ប្រទេសកម្ពុជានៃខ្ញុំ              ធ្លាប់រស់ជួបជុំសណ្ដានញាតិ

ដីតូចផ្ទះតូចសែនចង្អៀត          ចិត្តមិនចង់ឃ្លាតម្ដងណាសោះ។

២.ផ្ទះតូចនៅក្នុងទីបឹងកក់         ទោះបីទឹកល្អក់ស្រឡាញ់ស្មោះ

ឥឡូវគេដេញឲ្យអាឡោះ         អាល័យដីនោះពេកកន្លង។

៣.បឹងកក់បឹងគុម្ពដោយចេតនា  ចិត្តស្មោះជ្រះថ្លាអស់អ្នកផង

ពេលនេះថៅកែព័ទ្ធរបង          ប៉ូលីសចាប់ចងពួកម្ចាស់ដី។

៤.យើងខ្មែរចង់រស់លើខ្មែរ       រដ្ឋ និងថៅកែគ្មានប្រណី

គេបំបិទសិទ្ធិ និងសេរី             ឲ្យខ្មែរប្រុសស្រីអស់ដីជ្រក៕


No comments:

Post a Comment