ពាក្យស្លោក

By Tararith

ពាក្យស្លោករាប់សិបបន្សល់ទុក              សរសេរនឹងមុខតែមិនប្រើ

ពាក្យអើយពាក្យដ៏ល្អប្រសើរ                  អ្នកទៅមកដើរមិនអានសោះ។

សំរាមគរតាមចិញ្ចើមផ្លូវ                        ទុកនៅឲ្យភាយដង្កូវចោះ

ក្លិនចូលដល់សួតមនុស្សទាំងអស់          ស្រណោះតែគ្មានចិត្តសម្អាត។

ពាក្យថាជួយគ្នាទាន់គ្រាក្រ                     រិតតែបង្កតាមព្យាបាទ

ឃើញតែចំណេញមិនដែលខាត             ព្រោះចិត្តមិនស្អាតបរិសុទ្ធ។

នៅតាមជញ្ជាំងប្រាង្គសិលា                    សម្ដីដូនតាវិសេសផុត

មេត្តាករុណាគួរឲ្យស្លុត                          គេដុតឲ្យខ្លោចដល់ឫសគល់។