Friday, November 12, 2010

ទឹកចិត្ត

by C write

១.ទឹកចិត្តខ្មែរអ្នកស្នេហាជាតិ                           នៅចាញ់កលស្នៀត និងឧបាយ​

ទឹកចិត្តខ្មែរយើងបែករាយប៉ាយ                       ពិតនាំអន្ដរាយខ្មែរមិនលែង។

២.មានតែទឹកចិត្តអត់ប្រព្រឹត                            បានតែនាំគិតឲ្យវង្វេង

ចាំតែចំអកដូចជាល្បែង                                   ដូចអុំទូកលេងមិនដល់ត្រើយ។

៣.ខ្មែរខៀវ សេរី ក្រហម ស                            កើតមកឈូឆយូរមានហើយ

ខ្មែរអើយនៅតែគ្មានផលឡើយ                      ដីធំល្វឹងល្វើយប្រែរួញខ្លី។

៤.យួនគេឆ្លាតណាស់ចាំតែត្រង                       ទម្លាយរបងច្បាមយកដី

ខ្មែរគ្រប់ៗពណ៌អស់ខន្ដី                                  ចង់បានតែល្បីវ៉ៃគ្នាឯង។

៥.ខ្មែរខ្លះបានលាភសក្ការៈ                               មាសប្រាក់យសស័ក្កឫកខែងរ៉ែង

បង្អួតយួនចាប់ខ្មែរគ្នាឯង                                 ព្យុះភ្លៀងបែកផ្សែងខ្មែរច្បាំងគ្នា។

៦.សព្វថ្ងៃនៅមានចរិតហ្នឹង                              កោងកាចរឹងត្អឹងតាមផ្តន្ទា

ខ្មែរណាជំទាស់ឧបាយវា                                  មុខជាវេទនាអស់សេរី។

៧.បើទឹកចិត្តខ្មែររួមតែមួយ                              ជ្រោមជ្រែងលើកស្ទួយដល់ផែនដី

ជាតិខ្មែរនឹងរឹងមាំជាថ្មី                                      ខ្មែរមានដែនដីសន្ដិភាព៕


No comments:

Post a Comment