by Tararith
ឃើញខ្មៅប្រាប់ទៅអ្នកដឹកនាំ បើដំបៅជាំឆាប់ព្យាបាល
បើមិនកាពារវារាលដាល ស៊ីអស់ទាំងក្បាលគ្មានមេត្តា។
ឃើញស្នាមប្រឡាក់ប្រាប់ឲ្យជូត លាងបោកគក់ពូតទីត្រង់ណា
ដែលពុករលួយឲ្យធម្មតា ប្រាប់ឲ្យរក្សាសម្បត្តិជាតិ។
ប្រាប់ហើយបង្ហាញដល់ទីដៅ ឃើញខ្មៅប្រាប់ផ្លូវកែមាយាទ
ប្រជាត្រូវការសេរីទៀត មិនគួរចង្អៀតយុត្តិធម៌។
បើដឹកនាំគេដឹកឲ្យល្អ រាស្រ្ដអង្វរ ក ទាំងរញ័រ
ស្រែកសុំក្ដែងៗយុត្តិធម៌ ដល់អស់ជំនឿលើអ្នកហើយ។
ប្រាប់ដូចមិនប្រាប់ឈឺចាប់ណាស់ អ្នកធំដឹងច្បាស់តែមិនឆ្លើយ
បង្កើតទុក្ខទោសខ្មែរឥតល្ហើយ កើតជាខ្មែរហើយមានទោសឬ?
No comments:
Post a Comment