by Tararith
១.ខំស្រែកឲ្យឮខ្លាំងក្ដែងៗ ប្រឹងស្រែកសំដែងឫទ្ធិចេស្ដា
មេក្រូជុំជិតរិតអាត្មា បើមិនជេរថា វាមិនធ្វើ។
២.នែ៎ពួកអាដែងកុំកាប់ឆ្កា ដីព្រៃដូនតាសំបូរឈើ
ឲ្យយល់សេចក្តីរៀនធ្វើពើ មានឈើមិនកាប់ទុកធ្វើអី។
៣.រាល់ឆ្នាំជំនួយបានច្រើនណាស់ ឡានផ្ទះល្មមផ្លាស់ដូរយកថ្មី
ធ្វើឫកឲ្យសមនឹងងារថី សមជាមន្រ្ដីមានឋានៈ។
៤.អញឲ្យឯងធ្វើឯកឧត្តម យូរហើយល្មមផ្សំធនមាសប្រាក់
ដឹងគុណអញផងប្រយ័ត្នធ្លាក់ អស់បុណ្យដូចយក្សទសកណ្ឌ។
៥.នរណាថាអីក៏ថាទៅ អញអ្នកបើកផ្លូវទៅខេត្តខ័ណ្ឌ
ត្រូវខំរកស៊ីចេះសូកប៉ាន់ យល់ការណ៍សំខាន់គង់តំណែង៕
No comments:
Post a Comment