Thursday, November 18, 2010

អំពាវនាវ

by Tararith


.នាំខ្មែរដើរទៅមុខ                       

ទៅរកសុខរកមង្គល

អភិវឌ្ឍន៍កុំឲ្យសល់                        

ផ្លូវស្ពានថ្នល់តាមគោលលការណ៍។

.ធ្វើម្ដេចជួយប្រជា              

ផុតវេទនាជាតិនេះណា

ផុតទុក្ខទោសខ្លោចផ្សា                  

ស្គាល់សុខាតទៅមុខ។

.ប្រជាជនខ្មែរអើយ               

ដល់ពេលហើយត្រូវសម្រុក

ចេញពីទីភូមិស្រុក                  

ទៅរកសុខនៅទីផ្សេង។

.អ្នកខ្លះស្រែកយំធ្ងរ                  

មិនចង់ប្ដូរទីកន្លែង

អំពាវនាវក្ដែងៗ                              

ទាំងសំឡេង និងទឹកភ្នែក។

.សម្ដេចសុំមេត្តា                      

រាស្រ្តខ្លោចផ្សាទុក្ខធំពេក

ដីធ្លីទីដំណេក                                 

គេជ្រៀតជ្រែកទន្រ្ទានយក៕



No comments:

Post a Comment