by Tararith
១.រាស្ត្រក្រខ្សត់ជូរចត់ក្នុងចិត្ត
ចិត្តក្នុងលង់ដោយអត់ឃ្លាន
ឃ្លានអត់រន្ឋត់អស់ប្រាំឃាន
ឃានប្រាំចាំស្លាប់ដោយក្តីក្រ។
២.អ្នកធំគេមានយសមានប្រាក់
ប្រាក់មានមិនហ៊ានសាងផលល្អ
ល្អផលកុសលដល់ជនក្រ
ក្រជនមានធនចេះអាណិត។
៣.អាណិតដល់អ្នកក្រក្រី
ក្រីក្របង្ករគ្រោះជីវិត
ជីវិតគ្រោះខ្វះការពិត
ពិតការគេថាត្រូវស្ដាប់តាម។
៤. គេធំគេថាត្រួវទាំងអស់
អស់ទាំងលំនៅត្រូវគេច្បាម
ច្បាមគេចាត់ទុកដូចសម្រាម
សម្រាមគឺរាស្រ្តអ្នកក្រខ្សត់៕
No comments:
Post a Comment