ឈ្លានពាន

by C write

ដប់ប្រាំកក្កដារឿងថ្មីៗ                  ទ័ពសៀមចូលដីកម្ពុជា

នៅក្នុងតំបន់ព្រះវិហារ                 ខ្មែរខំពុះពារបណ្ដេញបាន។

ចារទុកទុកជាប្រវត្តិសាស្រ្ត           ចារិកច្បាស់ៗដោយក្លាហាន

នូវពាក្យឈ្លានពានឥតសណ្ដាន    ពីចោរសាមានគឺចោរសៀម។

ដែនសិក្ខាគិរីស្វរៈ                      ទោះមានឧបសគ្គពុំដែនស្ងៀម

ដីខ្មែរ ខ្មែរហ៊ានបង្ហូរឈាម            ទោះធ្វើសង្រ្គាមដល់ពលី។

តាំងពីដូនតារហូតមក                  សៀមរំលោភយកអស់ដែនទី

ដីព្រៃសមុត្រដងគិរី                     សាសន៍នេះវាតទីយកតាមចិត្ត។

សៀមសម្លាប់ខ្មែរយកទឹកដី          សាសន៍នេះអប្រិយ៍គ្មានអាណិត

វាបាញ់ប្រហារផ្ដាច់ជីវិត              គ្មាននរណាគិតរកខុសត្រូវ។

ដីព្រះវិហាររងារណាស់               សៀមមិនដែលផ្លាស់ត្រួសត្រាយផ្លូវ

ចង់បានដីនេះដល់ឥឡូវ               តាំងពីខ្មោចឪរហូតចៅ។

ខ្មែរសម័យនេះហ៊ានតតាំង           សៀមឈ្លានពានច្បាំងខ្មែរប្រដៅ

ធ្វើសព្វបែបយ៉ាងដឹងសខ្មៅ          កំចាត់ក្រយៅពួកលឿងសៀម៕