by C write
ពាក្យខ្មែរថាចេះឲ្យគេកោត បើឆោតៗឲ្យគេអាណិត
តែនេះផ្ទុយពីសុភាសិត ចំណេះបណ្ឌិតក្រៅសាលា។
ស្រែកសម្លុតរាស្រ្ដខ្មែរគ្នាឯង គម្រាមសម្ដែងភាពផ្ដាច់ការ
តែសៀមប្រមាថដល់សាវតា បំផ្លាញអក្ខរាលើទឹកដី។
ឯណាកណ្ដប់ដៃធ្លាប់ខ្លាំង លត់ខ្មែរប្រឆាំងទាំងប្រុសស្រី
ឯណាកម្លាំងដូចរាជសី ចាប់គ្មានប្រណីអ្នកតវ៉ា។
ឃើញហើយផលដឹកនាំមានៈ ខ្លាំងនៅក្នុងផ្ទះគ្មានបានការ
ឲ្យសៀមប្រមាថដល់សាវតា អាប់មុខខេមរាគ្រប់ៗគ្នា៕
No comments:
Post a Comment