Monday, January 24, 2011

សង្កត់ក

by Prasat

សំឡេងខ្មែរយំឮល្វើយៗ               អស់ទឹកភ្នែកហើយខ្សោយសំឡេង
យំៗទាំងចាស់យំទាំងក្មេង              សូរយំជាល្បែងម្ចាស់វាសនា។
យើងរាស្រ្តយើងរស់ដោយរងទុក្ខ    គេមិនមើលមុខថែមស្ដីថា
បូមដីពន្លិចយ៉ាងអស្ចារ្យ                 បើហ៊ានតវ៉ាគឺប្រឆាំង។
សង្កត់កហើយប្រាប់ឲ្យយល់           ជនណាអំពល់គឺជាខ្មាំង
នឹងបាញ់សម្លាប់បើតតាំង               ឲ្យយួនជួយច្បាំងក៏បានដែរ។
ម្ដេចបានជាខ្មែរចេះតវ៉ា                  ព្រោះតែផ្ដាច់ការគ្មានថ្ងៃល្ហែ
ទាំងដីទីក្រុង និងស្រុកស្រែ             ដីជនជាតិខ្មែរវេរឲ្យយួន។
ទឹកភ្នែកដែលស្រក់មករាល់ថ្ងៃ        អង្វរតថ្លៃសុំរួចខ្លួន
កុំឲ្យដីខ្មែរទៅម្ចាស់ដួន                   អាណិតថែថួនរាស្រ្តខ្មែរផង៕

No comments:

Post a Comment