ឆ្លៀត

by Tararith

នយោបាយសៀមអង្គៀមខ្មែរ                កើតមកហូរហែដោយពួកលឿង

ខ្មែរប្រឹងទប់ទល់ព្រោះខ្មែរសឿង            មិនចង់មានរឿងចៀសមិនបាន។

ក្រុមសៀមតែងតែបានជោគជ័យ           យកខ្មែរទៅច្នៃមិនដែលខាន

មុនពេលបោះឆ្នោតពួកលឿងប្រាណ      ចាប់ខ្មែររំខានរឿងដីធ្លី។

បាងកកដណ្ដើមអំណាចគ្នា                  យកព្រះវិហារខ្មែរជាន់ឈ្លី

រកលេសទន្រ្ទានគ្រប់នាទី                     បំណងដល់ទីកាន់អំណាច។

ច្រើនឆ្នាំមកនេះខ្មែររងទុក្ខ                     ពួកលឿងបុករុកលងបន្លាច

ដីតាមព្រំដែនសៀមកំណាច                 វាស់វែងគ្មានខ្លាចខ្មែរសោះឡើយ។

ខ្មែរតែងអត់ធ្មត់សន្ដិភាព                      ឲ្យផែនទីធៀបច្រើនដងហើយ

តែសៀមលឿងជ្រុលនៅព្រងើយ           មិនយល់សោះឡើយវាតទន្រ្ទាន។

សៀមឃើញខ្មែរខ្សោយទើបហ៊ានធ្វើ       នេះជាទង្វើរល្មោភឈ្លានពាន

ច្រើនដងពេកហើយខ្មែរព្រមាន              បើម្ដងនេះហ៊ានខ្មែរសងវិញ៕