នៅលើកំពូលដងបព៌ត ដែនកម្ពុជារដ្ឋបន្សល់នូវ
សញ្ញាណជាតិខ្មែរច្រើនពេកកូវ រាយប៉ាយតាមផ្លូវមានគ្រប់យ៉ាង។
ក្រឡេកទៅឃើញប្រាសាទថ្ម បែកអស់លម្អឱអ្នកសាង
ប្រសិនបានឃើញអស់អង្គប្រាង្គ បែកបាក់ច្រងាងកណ្ដាលព្រៃ។
នៅជាប់ជញ្ជាំងមានរូបមនុស្ស គ្មានទោសកំហុសដាច់ជើងដៃ
ចិត្តពិតអាណិតខ្មែរសព្វថ្ងៃ កើតកលប្រល័យឲ្យមានកម្ម។
ផ្ទាំងថ្មសសរដួលរលំ មិនដែលរៀបផ្គុំកត់ចំណាំ
ទុកឲ្យខ្ទេចខ្ទាំអស់ច្រើនឆ្នាំ មិនដឹងកម្មអីភពផែនថ្ម៕
No comments:
Post a Comment