by Tararith
សម្លឹងសមុទ្រមហាធំ អមដោយជួរភ្នំព័ទ្ធជុំជិត
សមុទ្ររស់នៅមានជីវិត ដោយជំរិតយកទឹកនានា។
មានទឹកសន្សើមជាដើមផង សមុទ្រនៅប៉ងរាល់វេលា
សន្សើមតិចតួចប្រមូលគ្នា ក្លាយជាទឹកប្រៃក្នុងសាគរ។
វស្សានមកដល់ផលបានទៀត ទឹកភ្លៀងឥតឃ្លាតធ្លាក់ពុះពោរ
ទៅក្នុងសមុទ្រនាំនាចជោរ សមុទ្រថ្ងូរថាមិនគ្រប់ឡើយ។
ទឹកហូរពីស្ទឹងបឹងទន្លេ ហូរជ្រេទេរទៅឥតមានស្បើយ
ធ្លាក់ចូលសមុទ្រថែមទៀតហើយ សមុទ្រធំល្វើយនៅមិនគ្រប់។
សង្កេតទៅលើមនុស្សដូចគ្នា ទ្រព្យធនហូរហៀនៅមិនឈប់
ស្វែងបុណ្យអំណាចទាំងថ្ងៃយប់ គ្មានអ្វីនឹងទប់ចិត្តលោភបាន។
ធម្មជាតិនិងមនុស្សលោកដូចគ្នា លោភលន់ផ្តន្ទាវាតទន្ទ្រាន
មាសប្រាក់បុណ្យសក្កិយកឲ្យបាន ចិត្តអើយឥតស្រានបានអ្វីឆ្អែត។
No comments:
Post a Comment