by C write
សាងបានកេរ្ដិ៍ឈ្មោះពិរោះក្រៃ ឧត្តមថ្លាថ្លៃទាំងគ្រួសារ
គ្រប់គ្នាចេះដឹងងារថ្លៃថ្លា ជាប់បណ្ដាសាររាស្រ្ដក្រីក្រ។
មានទ្រព្យលើសលប់ទប់មិនជាប់ ស៊ីសូកទម្លាប់ច្រើនតំណរ
ប្រសិនបំបាត់អស់លម្អរ រកភាពបវរក៏លែងបាន។
សម័យទំនើបងើបខំសាង អំណាចគ្រប់យ៉ាងឲ្យថ្កើងថ្កាន
សាច់ញាតិទាំងប្រាំពីរសណ្ដាន នឹងឡើងដល់ឋានផ្កាយព្រះគ្រោះ។
ត្រកូលមួយនេះពិតជាខ្លាំង ហ៊ានតបតតាំងដល់ស្លាប់រស់
ដើម្បីរក្សាកិត្តិយស ប្រាថ្នាបានរស់ក្នុងសម្បត្តិ។
កូនមិនដឹងក្ដីក៏មានស័ក្ដិ តំឡើងឋានៈឲ្យលិចបាត់
មន្រ្តីចាស់ទុំគេទប់ស្កាត់ រកល្បិចកំចាត់មិនឲ្យងើប៕
No comments:
Post a Comment