ឈើខ្មែរៗអ្នកថែ មកហូហែគេរំលំ
រំលាយព្រៃតូចធំ ចុះអប់រំអ្នកក្រក្រី។
ឈើរលាយមិនឈប់ ទាំងថ្ងៃយប់ដោយមន្រ្ដី
ទន្រ្ទានគ្មានប្រណី កាប់ធ្វើហីរាល់ៗថ្ងៃ។
ស្រឡាញ់បរិស្ថាន លះបង់ប្រាណគួរអាល័យ
សង្គមមានច្រើនចៃ តាមប្រល័យប្រជាឯង។
អាណិតស្អិតទាំងទ្រូង ប្រឹងទូលទូងខំខ្នះខ្នែង
តតាំងយ៉ាងខែងរែង ហួសនឹងថ្លែងហួសគណនា។
ការពារព្រៃឈើជាតិ មិនដែលឃ្លាតរាល់វេលា
ស្គាល់អស់ទីនានា ចេញយុទ្ធនាការយប់ថ្ងៃ។
ព្រៃអស់មនុស្សក៏ស្លាប់ ឯណាច្បាប់សូមរួមដៃ
កំចាត់ជនព្រៃផ្សៃ រកតម្លៃឲ្យមនុស្សជាតិ៕
No comments:
Post a Comment