Saturday, June 30, 2012

ឮទេ?


By Noreyutt

ក្មេងយំរៀបរាប់ទុក្ខហូរហែ                      យំយែកព្រោះតែបាត់ម៉ែឪ
គេចោទមានទោសហើយចាប់ទៅ            កូនគ្មានលំនៅរស់ឡើយណា។
កូនក្មេងនាំគ្នាចេញព្រោងព្រាត              ចេញរំដោះញាតិរួមតវ៉ា
មានញត្ដិអង្វរព្រះករុណា                         ទ្រង់មិនវាចារថាម្ដេចឡើយ។
ឬមួយព្រះអង្គលោកមិនដឹង                    ឬត្រូវគេញឹងទើបមិនឆ្លើយ
ពោះតឹងដោយសារសំណែនហើយ         ទើបនៅព្រងើយនឹងកិច្ចការ។
ព្រះអង្គឧត្តមកាលពីមុន                          មិនស្ពឹកទម្រន់ដូច្នេះណា
លោកធ្លាប់មានឈ្មោះឫទ្ធិជេស្ដារ            មានមនសិការសង្រ្គោះខ្មែរ។
ឥឡូវកូនចៅនៅនឹងភ័ក្រ                         ជឿជាក់ថាលោកជួយមើលថែ
ឬក៏ព្រះអង្គមិនចង់ក្បែរ                           ខ្លាចថៅកែយួនដកអំណាច៕

No comments:

Post a Comment