កូនខ្ញុំ

By Tararith

កូនខ្ញុំឈ្មោះកុសល[1]             តែងខ្វាយខ្វល់ដល់កម្មករ

ឈឺឆ្អាលជួយអ្នកក្រ               កូនខ្ញុំល្អណាស់លោកអើយ។

កូនមាសកូនគំរូ                     ងើបតស៊ូមិនស្ដាយឡើយ

លាលោកនេះទៅហើយ           តែនៅឡើយគេចងចាំ។

កូនរួមទាមទារសិទ្ធិ                បង់ជីវិតពេលបាតុកម្ម

ម៉ែសូមប្រកាសផ្ដាំ                  កត់ចំណាំកូនក្លាហាន។

ម៉ែមានមោទនៈ                      ជាងមាសប្រាក់ទាំងប៉ុន្មាន

អាល័យកូនចែកឋាន              សូមកូនបានថ្កានគ្រប់ជាតិ៕

                                          

         

---

[1] ផេង កុសល អាយុ២៤ឆ្នាំ រស់នៅភូមិតាំងស្រី ឃុំមេព្រីង ស្រុកបាធាយ ខេត្តកំពង់ចាម ស្លាប់ដោយ កងកម្លាំងប្រដាប់អាវុធបាញ់ បង្ក្រាបក្នុងការតវ៉ារបស់កម្មករទាមទារសុំតម្លើងប្រាក់ខែ១៦០ដុល្លា កាលពី ថ្ងៃទី០៣ ខែមករា ឆ្នាំ២០១៤។