Thursday, April 21, 2016

បិទមាត់

By C Write

អ្វីៗក៏មាន                      សក្ដិយសធនធាន           មានគ្រប់មិនខ្វះ
មានសិទ្ធិសេរី                 ថាស្ដីច្រើនណាស់           អាវក្រោះក៏ក្រាស់
ការពារខ្លួនផង។
អំណាចធំដុំ                    អ្នកបម្រើខ្ញុំ                     មុនធ្វើត្រូវឆ្លង
គ្រប់រឿងតូចធំ                ពូតផ្តុំស៊ីសង                   សម្ភោធរបង
ស្រះសាលារៀន។
រាប់ទាំងកាត់ក្ដី                កម្ទេចឡូត្រី                    ឡើងសក្ដិទាហាន
បញ្ជាគ្រប់សព្វ                ដណ្ដប់ផ្លូវស្ពាន               ទីណាក៏មាន
ឈ្មោះចារជាប់នៅ។
ឆ្នាំនេះចង្រៃ                   ទឹកមាត់ធ្លាប់ប្រៃ              វាហួតអស់ទៅ
នួនជាថាចំ                     សម្ងំយកត្រូវ                   បើ អស់ផ្លូវ
អាស្រូវមិនខាន។
ករណីសូន្យពីរ                ឲ្យខ្វល់ពេញទី                សូន្យបីតាមដាន
ឬចោទបន្ដ                     ខ្មៅសពិតច្រាន               ដឹងអស់សណ្ដាន
មេសម្លាប់ខ្មែរ។
បិទមាត់ល្អជាង               ដើម្បីចៀសវាង               បញ្ហាហូរហែ
លោកនួនជាអើយ           ងើយក៏បានដែរ               ចោទជាតិស៊ីឆ្កែ
គេម្ហាមិត្តយើង៕

No comments:

Post a Comment