Wednesday, May 18, 2016

ចន្ទខ្មៅ

By Tararith

នេះឬពណ៌ខ្មៅ                           យុត្តិធម៌ហៅ
តែហៅមិនឮ                              អយុត្តិធម៌
ពណ៌នេះរន្ទឺ                               ខ្មៅពេញពន្លឺ
ឈឺអស់ខេមរា។
ចន្ទពណ៌លឿងទុំ                        ឥឡូវនេះហ៊ុំ
ព័ទ្ធដោយបញ្ហា                          សេរីភាពគ្មាន
បំពានមាត្រា                              ចាប់ចងផ្ដាច់ការ
ខ្លោចផ្សាពេកក្រៃ។                    
ថ្ងៃចន្ទពណ៌ខ្មៅ                          បង្ហាញដំបៅ
ក្រយ៉ៅចង្រៃ                              ចាប់ចងបិទមាត់
បែបរដ្ឋព្រៃផ្សៃ                            ដឹកនាំបានដៃ
វ៉ៃរាស្រ្តឥតក្រែង។
អ្នកស្នេហាជាតិ                          មួយហើយមួយទៀត
មានទោសជាក់ស្ដែង                   ជនពុករលួយ
ព្រួយប្រឹងសម្ដែង                        ជាអ្នកតាក់តែង
សង្រ្គោះប្រទេស។

No comments:

Post a Comment