Monday, September 17, 2018

ត្រី


By Tararith

មច្ឆាឆ្លេឆ្លាហែលក្នុងបឹង                     រត់គេចប្រែងប្រឹងពីសត្រូវ
បណ្ដោយបញ្រ្ចាសទឹកគួចទៅ            ខំណាស់រកផ្លូវដែលត្រូវរស់។
ហែលហក់បក់បោយទៅក្រោយមុខ     គេចរំដោះទុក្ខពីព្រានពស់
ដេញតាមពីក្រោយសត្វឲ្យគ្រោះ         តាមបឹងតាមជ្រោះឆ្ពោះរកសុខ។
ក្នុងទឹកមានពស់ដេញប្រកិត               ព្រះអើយភ័យភិតចិត្តក្ដួលក្ដុក
ឯនៅពីលើមានសត្វកុក                     ហិចហើរសម្រុកតាមចឹកឆី។
អាណិតដល់ខ្លួនឯងពេកក្ដាត់              កើតមកជាសត្វលើផែនដី
ហែលអស់ជំហានកម្លាំងត្រី                តើអ្វីផុតភ័យពីគ្រោះនេះ?

No comments:

Post a Comment